انا من الشخصيات غير المتشائمة إطلاقا، و في اغلب الاوقات عندي امل يكفي مدينة كبيرة كالقاهرة مثلا، لدرجة ان احد اصدقائي الكبار في السن سألني مرة " هوه انت بتحب و لا حاجة "، و برر سؤاله بأن حالة التفاؤل الغريبة و المبالغة فيها و المستفزة بالنسبة له، اكيد "وراها سر".
الله يرحمه، مات قبل معرفة سر تفاؤلي، اما بالنسبة لي، فاعتقد ان الموت سيسبق معرفتي لسبب تفاؤلي المستفز، و لو اني بدأت اشك في ان تفاؤلي مصيره إلى الزوال في يوم من الايام.
و شكي وصل لمرحلة متقدمة، خاصة في الايام الغريبة التي تشهدها القاهرة الآن، ايام تبعث الخوف من المستقبل، و الاحساس بالخطر القريب.
و طبعا الواعي و المراقب بدقة لهذه الايام هو الوحيد الذي يستطيع الشعور بهذا الخطر،و كلنا عارفين انهم قليلين في مصر، و لهذا مصر لا تشعر بالخطر كالعادة.
و طبعا الواعي و المراقب بدقة لهذه الايام هو الوحيد الذي يستطيع الشعور بهذا الخطر،و كلنا عارفين انهم قليلين في مصر، و لهذا مصر لا تشعر بالخطر كالعادة.
و بما اني كنت متفائل، و كنت سيد من ينشر التفاؤل، في الاوقات الحلوة، و المرة، و بما اني حاليا متشائم، و مصر في خطر احب احذركم جميعا، و اقولكم " انتو مقبلين على مرحلة سودا و منيلة بنيلة".
الجو غريب جدا في مصر اليومين دول يا جماعة، و بصراحة انا مش مصدق نفسي خالص، و مش مصدق ان ديه مصر، و مش مصدق ان ده الربيع، انا مش متعود على كده، 3 ارباع الربيع على الاقل حتى الآن الجو لطيف جدا، و يمين او تلاته بالكتير هوا بتراب و اسبوع بالكتير حر، و كمان اسبوع متقطع ، يعني مش على بعضه...امال فين تأثير الاحتباس الحراري و ثقب الاوزون و تقلص حجم غابات السافانا و الاستبس.
انا خايف جدا من الصيف، و حاسس اننا حنتشوي فيه، و حيجي لنا جفاف في رمضان، و ناقص اننا نحضر نفسنا للباربكيو كمان.
علشان كده انا باناشد المواطنين انهم يأخذوا اساليب الحيطة و الحذر خلال ايام الصيف القريبة، و كل واحد يحضر نفسه للمايوهات و الساحل الشمالي، بأنه يبدأ يحوش من دلوقتي للمصيف، و انصح ان الناس تنسى الكلام عن الازمة الاقتصادية العالمية، و انفلوانزا الخنازير، و العنف المتصاعد في المجتمع المصري، و دور مصر المتراجع في المنطقة و النفوذ التركي و الايراني المتوسع، و العدوان الاسرائيلي المتكرر على الاراضي المحتلة، و يبدأوا في السعي نحو المستقبل بحاجتين: حنصيف فين السنة ديه؟ و حندخل الواد كلية ايه بمجموعه المهبب ده؟
اما بالنسبة للدولة فانا اطالبها، ببذل مجهود اكبر في بناء القرى السياحية لمحدودي الدخل، ثم القضاء على محدودي الدخل لأنهم وش فقر اساسا و مش حيرحوها، و كذلك اطالب المصانع الحربية بتصنيع كمية اكبر من المراوح السقف و الحائط و البوكس، و هذا بعد تراجع الطلب على المكيفات لأنها بتجيب انفلونزا في الصيف، و كمان اسمها بقى يطلق على المخدرات و الخمور، و الناس مش ناقصة شبهة و بهدلة في الاقسام.
اما بالنسبة للسادة المواطنين المشتغلين في القطاعين العام و الخاص، فعليهم مراعاة الاساتحمام بالماء و الصابون كل صباح قبل ركوب الموصلات ، و ذلك لتخفيف الضغط على المستشفيات، و تقليل نسبة الاصابة بحالات الاغماء و الفطسان، و القيء و الاسهال و غممان النفس، و تشوه الاجنة في رحم الامهات، و زيادة معدل الجريمة و الطلاق الناجمة عن ضيق الخلق و انقطاع النفس في المواصلات العامة مرتين على الاقل يوميا (رايح جاي).
و كفانا الله و اياكم شر الحر و الحسد.
اللهم بلغت اللهم فاشهد.
هناك 3 تعليقات:
بص يابنى خليك زى مانت كده متفائل وربنا يقويك انا على فكرة تقريبا زيك كدة بالظبط متفائله .. بس على فكرة يامصطفى واضح اننا مش بش مشتركين فى التفاؤل لا كمان الكتابة الساخرة بتاعتك حلوة اووى , انطلق واستمر
شكرا يا مي على تعليقك..
بس انا عايز اقولك اني لسه مفقدتش تفاؤلي لسه، بس كل الحكاية اني قلقت من الجو ده.
شكله عامل زي تصريحات الحكومة الوردية، إلي بتقوم بعديه زعابيب و عواصف
ربنا يتسر
جامدة فحتتتتتتتتتتتتتتتت ، انت بتتكلم بلسان الحكومة ولا ايه :D
استمر :P
إرسال تعليق